Տպել
ԱՄՆ-ի նախագահ Բարաք Օբաման պլանավորում է պաշտոնաթողությունից հետո առաջին իսկ օրը մոռանալ գործերի մասին և կուշտ քնել: Այդ մասին պետության ղեկավարը, որն իշխանությունը հունվարի 20-ին փոխանցելու է Դոնալդ Թրամփին, պատմել է CBS հեռուստաընկերությանը տված հարցազրույցում:
«Ես չեմ պատրաստվում զարթուցիչ դնել: Դրանում ես միանգամայն վստահ եմ,-նշել է Օբաման՝ պատասխանելով հետագա պլանների վերաբերյալ հարցերին:-Ես ցանկանում եմ փորձել մի լավ քնել: Եվ մի քիչ ժամանակ ծախսել դատարկ բաների վրա»:
ԱՄՆ-ի ներկայիս նախագահը խոստովանել է նաև, որ կցանկանար ազատ ժամանակ մտածել այն մասին, թե ինքն ինչ կարողացավ անել Սպիտակ տանը ութ տարի աշխատելու ընթացքում: «Եմ հարմար պահ չեմ ունեցել խորհրդածելու և կշռադատելու այդ ամենը»,-պարզաբանել է Օբաման: Թրամփի պաշտոնակալությունից անմիջապես հետո, որը տեղի կունենա հունվարի 20-ին, նա պլանավորում է մեկնել հանգստանալու:
Միևնույն ժամանակ Օբաման ընդգծել է, որ հետագայում չի պատրաստվում «երկար նստել գրասեղանի առջև»: «Ես հույս ունեմ, որ կսկսեմ դասախոսել, որովհետև աշխատել եմ համալսարանում և ժամանակն ուրախ եմ անցկացրել՝ զբաղվելով դրանով»,-հավելել է ԱՄՆ-ի 44-րդ նախագահը, որը 1992-ից մինչև 2004 թվականը սահմանադրական իրավունք է դասավանդել Չիգագոյի համալսարանում:
Սակայն Օբաման դեռևս չի պատրաստվում վերադառնալ Չիկագո: Սպիտակ տանն ութ տարի գտնվելուց հետո նա ընտանիքի հետ կտեղափոխվի մասնավոր առանձնատուն, որը վարձակալվել է Վաշինգտոնի կենտրոնի հեղինակավոր շրջաններից մեկում: Ինչպես հայտնել է Օբաման, իրենք պատրաստվում են Միացյալ Նահանգների մայրաքաղաքում մնալ ևս մի քանի տարի, քանի դեռ իր կրտսեր դուստրը՝ Սաշան, չի ավարտել դպրոցը: Ավագ դուստրը՝ Մալիան, 2017 թվականի աշնանը կսկսի սովորել Մասաչուսեթսի նահանգի Հարվարդի հեղինակավոր համալսարանում, հաղորդել է ՏԱՍՍ գործակալությունը:
