Տպել
Ավելի շատ քուն
Գիտությունը մինչև հիմա այնքան էլ շատ բան չգիտե քնից զրկվելու մասին: Բայց մի բան գիտությունը հաստատ գիտի` այն, որ քնի հիմնական գործառույթը ուղեղի կենսագործունեության կենսաքիմիական արտադրանքի հեռացումն է, որն առաջանում է նրա ակտիվության արդյունքում: Դա նշանակում է, որ քնի պակասը կարող է վնասակար բետա-ամիլոիդ սպիտակուցների պատճառ դառնալ, ինչը կարող է տարբեր հիվանդությունների հանգեցնել: Օրինակ` Ալցհայմերի հիվանդության:
Ինչպե՞ս շտկել քիչ քնելու սովորությունը: Ստիպված կլինեք փոխել սեփական կենսակերպը, իսկ դա հեշտ չէ: Քիչ է ընդամենը մտածել. «Ես հիմա չեմ կարող քունս առնել, փոխարենը լավ կքնեմ հանգստյան օրերին: Դա արդյունք չի տա: Մեկ անքուն գիշերից հետո վերականգնվելը դժվար չէ, բայց քնի խրոնիկական պակասը մեծ ջանքեր է պահանջում:
Ինչքա՞ն է անհրաժեշտ քնել: Չափահաս մարդուն անհրաժեշտ է 7-ից 9 ժամվա քուն: Այստեղ դուք կարող եք ավելի մանրամասն իմանալ դրա մասին:
Հերի՛ք է
Ձեզ հավանաբար հետաքրքրում է, թե ինտերնետն ինչ է անում ձեր ուղեղի հետ: Արդյոք ինտերնետը մեր մեջ կախվածություն չի առաջացնում` վերածվելով յուրօրինակ թմրանյութի: Facebook-ում գրառումը, իմեյլը, թվիթը, հետաքրքիր հոդվածը, և այդպես շրջանակը փակվում է: Ինտերնետի հիմնական խնդիրը ցրված ուշադրությունն է: Մենք անընդհատ ստիպված ենք լինում ուշադրությունը մի բանից մյուսին տեղափոխել և դա ուղղակի թույլ չի տալիս կենտրոնանալ կարևոր բաների վրա:
Ինչպե՞ս ազատվել դրանից: Ձեզ համար կանոններ սահմանեք. կես ժամ իմեյլների համար, կես ժամ` Թվիթերի և այդպես շարունակ: Դուք կարող եք ինքներդ անել դա, բայց եթե գիտեք, որ կամքի ուժը կարող է չհերիքել, օժանդակող միջոցներ օգտագործեք: Օրինակ` այն հավելվածը, որը կարգելափակի մուտքը անպետք կայքերին` անհամապատասխան ժամերին:
Ստուգե՛ք ձեզ
Ինտերնետային աղբի խնդիրն ընդամենը մեկ մեծ խնդրի` բազմաառաջադրանքայնության մի մասն է: Ժամանակակից մշակույթը խրախուսում է դա և նույնիսկ ստիպում է միաժամանակ մի քանի բան անել (մեր իսկ օգտի համար): Բայց գոնե մեկ անգամ տեսե՞լ եք այնպիսի գործատուի, որին գերազանց բազմաառաջադրանքայնությամբ մարդ պետք լինի: Հազիվ թե: Այդ պատճառով բազմաառաջադրանքայնության առավելությունները մշուշոտ են և միայն մեր գլխում են: Գլխավոր խնդիրը, որին պետք է հասնել, մեկ առաջադրանքի վրա լիակատար կենտրոնացումն է: Այդ դեպքում, նույնիսկ եթե առաջադրանքը ձանձրալի է, դուք այնուամենայնիվ ձեզ անհամեմատ ավելի երջանիկ կզգաք:
Ինչպե՞ս ազատվել բազմաառաջադրանքայնությունից: Սկզբի համար ջանացեք սովորություն զարգացնել` նկատելու, թե երբ եք անցնում միաժամանակ մի քանի գործի: Եվ դրա փոխարեն, ինչպես և ինտերնետի պարագայում, ձեզ կարգուկանոնի ենթարկեք, որպեսզի գոևծերը հերթով անեք, ոչ թե միասին:
