Տպել
Բալետի ռուս արտիստ Անաստասիա Վոլոչկովան «Կոմսոմոլսկայա պրավդա»-ի հետ զրույցում ակնարկել, որ շուտով կամուսնանա նոր սիրելիի՝ Սերգեյի հետ։ Սերգեյը, որը հասարակական բաղնիք է ղեկավարում Մերձմոսկվայում, Անաստասիա Վոլոչկովայի կյանքում հայտնվել է «Արի ամուսնանանք» շոուին նրա մասնակցությունից հետո։ Բալետի արտիստը նախագծին մասնակցել է հրավիրված հյուրի կարգավիճակում, սակայն փեսացուն նրան այնքան է դուրս եկել, որ նրան խլել է հարսնացուից։
«Իսկ ինչո՞ւ ոչ։ Ես ընտանիք եմ ուզում։ Ոչ մի անգամ ամուսնացած չեմ եղել։ Իսկ երեխաներ այլեւս չեմ ուզում ունենալ։ Ծիծաղելի կլինի 50 տարեկանից հետո նորածնի լույս աշխարհ բերել։ Միայն թե Սերյոժան ասել է, որ աղջիկ է ուզում ունենալ։ Կտեսնենք, առայժմ մենք այսպես մեզ լավ ենք զգում»,- Վոլոչկովայի խոսքերը մեջբերել է պարբերականը։
Բալետի արտիստը չի թաքցնում, որ երջանիկ է նոր հարաբերություններում։ Անաստասիան ակտիվորեն լուսանկարներ է հրապարակում սիրելիի հետ, իսկ մի քանի օր առաջ նրանք վերադարձել են Մալդիվներում համատեղ հանգստից։ Թռիչքի ընթացքում աստղը նոր սկանդալում է հայտնվել։
