Տպել
Այսօր մաղթենք ինքներս մեզ ուժեղ լինել, մինչև որ նորից իրավունք ձեռք բերենք բանակ ունենալու ու խաղաղություն պարտադրելու
Առանց բանակ անկախ պետություններ չեն լինում: Մեր տարածաշրջանում` առավել ևս: Այս մասին տելեգրամյան իր էջում գրել է թուրքագետ, ադրբեջանագետ Վարուժան Գեղամյանը։
«Երբ նորից ունենանք ազգային իշխանություն, այլ ոչ կոլաբորացիոնիստական, այդ ժամանակ կկարողանանք նորից խոսել բանակաշինությունից: Իսկ այժմ «պրոֆեսիոնալ բանակ» նոր ու ոչինչ չասող արտահայտության տակ, որը լսվում է չինովնիկների բերանից, վերացվելու է ժամկետային զինծառայությունը, բանակի թիվը էականորեն կրճատվի, իսկ եղածն էլ դառնա դեկորատիվ մի բան:
Տարածաշրջանային առաջիկա մեծ պատերազմում դա մեր հերթական ցեղասպանության և զանգվածային արտագաղթի հիմնական պատճառը կլինի: Այսօր մաղթենք ինքներս մեզ ուժեղ լինել, մինչև որ նորից իրավունք ձեռք բերենք բանակ ունենալու ու խաղաղություն պարտադրելու»,- գրել է թուրքագետը:
