Կանադացի գիտնականը ցեցի նոր տեսակն անվանել է Թրամփի պատվին
Advertisement 1000 x 90

Կանադացի գիտնականը ցեցի նոր տեսակն անվանել է Թրամփի պատվին

Կանադացի գիտնական Վազրիք Նազարին Կալիֆոռնիայում հայտնաբերել է ցեցի նոր տեսակ և այն անվանել է Neopalpa donaldtrumpi՝ ԱՄՆ-ի նորընտիր նախագահ Դոնալդ Թրամփի պատվին, տեղեկացնում է BBC-ին:

Ինչպես պարզաբանել է Նազարին, միջատի գլուխը ոսկեգույն աղվամազ է ծածկում, ինչը նրան շատ է հիշեցրել Թրամփի սանրվածքը:

Թևերի շուրջ մեկ սանտիմետր բացվածքով միջատը բնակվում է Կալիֆոռնիայի հարավում և Մեքսիկայի Ստորին Կալիֆոռնիայի նահանգում:

Դա առաջին միջատն է, որն անվանվել է Միացյալ Նահանգների նորընտիր նախագահի պատվին:

Այսօրվա դրությամբ կենդանիների և միջատների ինը տեսակներ, այդ թվում՝ ձուկ, սարդ և մակաբույծ որդ, կրում են երկրի գործող նախագահ Բարաք Օբամայի անունը: