Տպել
Շվեյցարիայի ԱԳՆ-ն խորհուրդ է տվել երկրի բնակիչներին զերծ մնալ Ուկրաինա զբոսաշրջային և այլ ոչ հրատապ ուղևորություններից։ Այս մասին հաղորդագրությունը շաբաթ օրը հրապարակվել է ԱԳՆ կայքում, փոխանցում է ՏԱՍՍ-ը:
«Խորհուրդ չի տրվում Ուկրաինա մեկնել զբոսաշրջային և այլ ուղևորություններով, որոնք հրատապ չեն, ընդհանուր առմամբ խորհուրդ չի տրվում այցելել այս պետության որոշ շրջաններ»,- ասվում է հաղորդագրության մեջ։
Արտաքին գործերի նախարարությունն ընդգծել է, որ այս առաջարկությունները «համապատասխանում են իրավիճակի ընթացիկ վերլուծությանը» Շվեյցարիայի դիվանագիտական գերատեսչության կողմից և որ դրանք «անհրաժեշտության դեպքում պարբերաբար ստուգվում և փոփոխվում են»։
