«Քուրդիստան» բառն օգտագործելու համար Լեյլա Գյուվենը բանտարկվել էր

Բինգյոլի (Բյուրակն) գլխավոր դատախազությունն ավարտել է «Ժողովրդավարական հասարակության կոնգրես» (DTK) քրդական միության համանախագահ, Էլազըղի կանանց փակ ռեժիմով բանտում ազատազրկված Լեյլա Գյուվենի նկատմամբ սկսած հետաքննությունը, փոխանցում է Ermenihaber-ը։

Հետաքննությունը սկսվել էր «ահաբեկչական կազմակերպության քարոզչություն» անելու մեղադրանքով։ Պատճառը եղել էր այն, որ 2020թ. եթեր գնացած ռադիոհաղորդման ժամանակ Գյուվենը հնչեցրել էր «Քուրդիստան» բառը։

Այժմ արդեն գխավոր դատախազությունը, որոշում է կայացրել քրեական հետապնդում չկիրառել Լեյլա Գյուվենի նկատմամբ, քանի որ միայն «Քուրդիստան» բառը «ահաբեկչական կազմակերպության քարոզչություն» չի համարել։