Մերկելը Ուկրաինայի շուրջ տեղի ունեցող իրադարձությունները բեկումնային իրադարձություն է համարել Եվրոպայի պատմության մեջ

Գերմանիայի նախկին կանցլեր Անգելա Մերկելն Ուկրաինայի շուրջ տեղի ունեցող իրադարձությունները համարել է «Սառը պատերազմի ավարտից հետո Եվրոպայի պատմության մեջ բեկումնային իրադարձություն»: Այսպես Գերմանիայի կառավարության նախկին ղեկավարն առաջին անգամ հրապարակավ մեկնաբանել է այդ երկրի շուրջ ստեղծված իրավիճակը։

«Ռուսաստանի կողմից այս ագրեսիվ պատերազմը նշանավորում է խոր բեկումնային պահ Եվրոպայի պատմության մեջ Սառը պատերազմի ավարտից հետո»,- ասել է Մերկելը DPA գործակալությանը: Նա Մոսկվայի գործողությունները անվանել է միջազգային իրավունքի խախտում և «ամենավճռական ձևով» դատապարտել է դրանք։

Գերմանիայի նախկին կանցլերը համերաշխություն է հայտնել Ուկրաինայի ժողովրդին և իշխանություններին, ինչպես նաև լիակատար աջակցություն է հայտնել Գերմանիայի Դաշնային կառավարության, Եվրոպական միության, ԱՄՆ-ի և յոթի խմբում (G7) գործընկերների, ՆԱՏՕ-ի և ՄԱԿ-ի ջանքերին՝ այդ պատերազմի շուտափույթ դադարեցման վերաբերյալ:

Մերկելը զբաղեցնում էր Գերմանիայի կանցլերի պաշտոնը, երբ 2014 թվականին պետական հեղաշրջում տեղի ունեցավ Ուկրաինայում, իսկ հետո կնքվեցին Դոնբասի հակամարտության կարգավորման վերաբերյալ Մինսկի համաձայնագրերը։