Տպել
ԱՄՆ-ի նորընտիր նախագահ Դոնալդ Թրամփի քանդակը հայտնվել է Լոնդոնի Մադամ Թյուսոյի մոմե քանդակների թանգարանում: Այդ մասին հայտնել են Մեծ Բրիտանիայի զանգվածային լրատվամիջոցները:
Թրամփի քանդակը դարձել է այն ցուցադրանքի բաղկացուցիչ մասը, որը ներկայացնում է ԱՄՆ-ի Սպիտակ տան ձվաձև առանձնասենյակը, այն ցուցադրության են դրել հեռացող նախագահ Բարաք Օբամայի՝ մինչև վերջերս ներկայացվող քանդակի փոխարեն:
Հաղորդագրություններում նշվում է, որ ընտրյալ նախագահի առանձնահատուկ սանրվածքի ռեալիստական պատճենն ստեղծելու համար քանդակագործները յակի մազեր են օգտագործել:
Թրամփի քանդակը Լոնոնի թանգարանի այցելուներին կներկայացվի հունվարի 20-ին, երբ նոր նախագահը կստանձնի պաշտոնը, հաղորդել է «Ինտերֆաքս»-ը:
