Տպել
Թուրքիան չի նախատեսում պատժամիջոցներ կիրառել Ռուսաստանի դեմ, որպեսզի երկխոսության համար ուղի մնա։ Այս մասին երեքշաբթի օրը հայտարարել է Թուրքիայի նախագահի պաշտոնական ներկայացուցիչ Իբրահիմ Քալինը։
«Մենք պետք է գործենք՝ հաշվի առնելով մեր երկրի առաջնահերթությունները: Պետք է լինի կողմ, որը կարող է բանակցել Ռուսաստանի հետ: Ո՞վ կխոսի Ռուսաստանի հետ, երբ բոլորն այրում են կամուրջները: Մենք չենք նախատեսում պատժամիջոցներ կիրառել, որպեսզի այդ ուղին բաց մնա»,- ընդգծել է նա CNN Turk հեռուստաալիքին տված հարցազրույցում:
