Տպել
Ուկրաինայի արտգործնախարար Դմիտրի Կուլեբան ասել է, որ պատերազմի առաջին օրերից ոչ ոք չի ցանկացել օգնել իր երկրին, քանի որ չէին հավատում նրա պաշտպանունակությանը։
«Պատերազմի առաջին օրը՝ փետրվարի 24-ին, մի շատ ազդեցիկ եվրոպական պետությունում Ուկրաինայի դեսպանը նստեց մի նախարարության պետքարտուղարի աշխատասենյակում և ասաց. «Օգնե՛ք, պատերազմը սկսված է»։ Նա կարեկցաբար ժպտաց դեմքին և պատասխանեց. «Սիրելիս, արի անկեղծ լինենք, ինչո՞ւ օգնենք քեզ, եթե 48 ժամից ամեն ինչ կավարտվի և նոր իրականություն կգա»: Սա կոնկրետ դրվագ է, որը տեղի է ունեցել ԵՄ շատ ազդեցիկ երկրում»,- ասել է Կուլեբան:
