Տպել
ԱՄՆ նախագահ Ջո Բայդենի վարչակազմը հրապարակել է մի շարք փաստաթղթեր, որոնք խրախուսում են անչափահասների սեռափոխության վիրահատությունը եւ հորմոնալ թերապիան, հայտնում է Fox News-ը։
Առողջապահության եւ սոցիալական ծառայությունների նախարարության բնակչության հարցերի վարչությունը «Գենդերային աջակցություն եւ երիտասարդներ» վերնագրով փաստաթուղթ է հրապարակել։ Նույն օրը Թմրամիջոցների չարաշահման եւ հոգեկան առողջության վարչության ազգային մանկական տրավմատիկ սթրեսի ցանցը զուգահեռ հրապարակել է «Գենդերային հաստատման օգնությունը տրավմաները հաշվի առնող օգնություն է» վերնագրով փաստաթուղթ:
Փաստաթղթերը նկարագրում են այն, ինչ գերատեսչությունն անվանում է համապատասխան բուժում տրանսգենդեր դեռահասների համար, այդ թվում՝ «Վերին վիրաբուժություն՝ տղամարդկանց համար հատուկ կրծքերի ստեղծման կամ կրծքերի մեծացման համար» եւ «Ներքին վիրաբուժություն՝ սեռական կամ վերարտադրողական օրգանների վիրահատություն, դեմքի ֆեմինիզացիա կամ այլ պրոցեդուրաներ»։
«Տրանսգենդեր ու ոչ երկսեռ երեխաների եւ դեռահասների համար սեռը հաստատող վաղ խնամքը որոշիչ նշանակություն ունի ընդհանուր առողջության եւ բարեկեցության համար, քանի որ այն թույլ է տալիս երեխային կամ դեռահասին կենտրոնանալ սոցիալական անցումների վրա եւ կարող է մեծացնել նրանց վստահությունը առողջապահական համակարգում նավիգացիայի դեպքում: Սա կարող է ներառել ապացույցների վրա հիմնված միջամտություններ, ինչպիսիք են սեռական հասունացման արգելափակումները եւ սեռական հորմոնները»:
