Տպել
1919 թվականին ծնված Հաջի Մուհեյլիֆ Ֆարհուդ ալ-Մանսուրին որոշել է երրորդ անգամ ամուսնանալ՝ ավելի շատ երեխաներ ունենալու համար։ Այս մասին հայտնում է Arab News-ը։
103-ամյա իրաքցին, ով արդեն 15 երեխաների հայր է և, ըստ հրապարակման, հարյուրավոր թոռների պապ, ցանկացել է նորից ամուսնանալ այն բանից հետո, երբ երկրորդ կինը լքել է իրեն։ Հարյուրամյա տղամարդու ընտրյալը 37-ամյա կին է, արարողությունը տեղի է ունեցել ապրիլի սկզբին։
Ինչպես ասել է Ալ Մանսուրի որդիներից մեկը, տարեց տղամարդը մի քանի ամիս սպասել է իր երկրորդ կնոջ վերադարձին և երրորդ ամուսնության մասին որոշել է միայն այն բանից հետո, երբ նա այդպես էլ հետ չի եկել: Ինքը՝ երկարակյացը, պնդում է, որ ոչինչ չի ուզում իր երեխաներից, այլ միայն աղոթում է, «որ Ամենակարողը օրհնի նրանց ու չլքի իրեն»։
Ինչպես պարզել է Arab News-ը, տղամարդու 72-ամյա որդին ինը ամուսնությունից 33 երեխա ունի։
