Տպել
ԱՄՆ-ի կարծիքով՝ Ուկրաինայում ռուսական պատերազմը կարող է շարունակվել մինչև 2022 թվականի վերջ, եվրոպացի դաշնակիցներին ասել է ԱՄՆ պետքարտուղար Էնթոնի Բլինկենը։ Այս մասին CNN-ին հայտնել են եվրոպացի երկու պաշտոնյաներ։
CNN-ի հետ զրույցում բազմաթիվ պաշտոնյաներ ընդգծել են, որ այժմ դժվար է ճշգրիտ կանխատեսել, թե որքան երկար կարող է տևել պատերազմը: Այնուամենայնիվ, որոշ պաշտոնյաներ ասում են, որ որևէ նշան չկա, որ Ռուսաստանի նախագահ Վլադիմիր Պուտինի վերջնական նպատակը փոխվել է: Դժվար թե նա ցանկանա դիվանագիտական բանակցություններ վարել, եթե չհանդիպի ռազմական պարտության։
Տեսակետը, որ պատերազմը դեռ երկար է շարունակվելու, ընդգծված շեղում է դիմակայության սկզբնական օրերի գնահատականներից, երբ Ռուսաստանից ակնկալվում էր, որ արագ կգրավի Կիևը։ Սա ընդգծում է Մոսկվայի անհաջողությունները մարտի դաշտում։
Եվս երկու եվրոպացի պաշտոնյաներ ասել են, որ կարծում են` Ուկրաինայի արևելքում մարտերը կարող են տևել չորսից վեց ամիս, այնուհետև հանգեցնել փակուղու:
Պաշտոնյաները նաև ընդունում են, որ հասարակությունը կարող է հոգնել Ուկրաինային մշտապես աջակցելու անհրաժեշտությունից և պետք է հիշեցնեն, որ անգործությունը ավելի թանկ կարժենա:
