Տպել
Ֆրանսիացի դերասան Ժերար Դեպարդյոն պետք է զրկվի Ռուսաստանի քաղաքացիությունից՝ Ուկրաինայում հատուկ գործողության վերաբերյալ քննադատության պատճառով։ URA.RU-ն նման կարծիք է հայտնել «Արդար Ռուսաստան՝ հանուն ճշմարտության» կուսակցության նախագահ Սերգեյ Միրոնովը։
Քաղաքական գործչի խոսքով՝ արտիստն իր հայտարարություններով հակադրվում է Ռուսաստանին. ըստ Միրոնովի՝ նույն միջոցները պետք է ձեռնարկվեն բոլորի նկատմամբ, ովքեր «խափանող» գործունեություն են ծավալում երկրում։
Ժերար Դեպարդյոն, որն Ռուսաստանի քաղաքացիություն է ստացել 2013 թվականին, քննադատել է Ռուսաստանի հատուկ գործողությունը։ Կրեմլը վստահություն է հայտնել, որ դերասանը լիովին չի հասկանում Ուկրաինայում տեղի ունեցողի էությունը, և առաջարկել Դեպարդյոին բացատրել հատուկ գործողության պատճառները։
