Տպել
Ռուսաստանում հետախուզման մեջ գտնվող ադրբեջանցի լրագրող, «Ի՞նչ, որտե՞ղ, ե՞րբ» հեռուստախաղի մասնակից Ռովշան Ասկերովը հարցազրույցում խոստովանել է, որ Ռուսաստանից մեկնել է Ադրբեջան։
Ասկերովի խոսքով՝ ինքը Ռուսաստանում անցկացրել է 22 տարի, և այժմ չի պատրաստվում վերադառնալ, քանի որ, իբր, չի կարող ապրել մի ֆաշիստական երկրում, որտեղ թատրոնի շենքի վրա սվաստիկա է կախված:
Բացի այդ, նա հայտարարել է, որ մի քանի ամիս առաջ հեռուստախաղի ներկայացուցիչներն իրեն զանգահարել են վերադառնալու «Ի՞նչ, որտե՞ղ, ե՞րբ», բայց ինքը հրաժարվել է։ «Ես խաղացի, խաղացի և բավականաչափ խաղացի: Ուրիշ բան, որ ինձ առաջարկեցին վերադառնալ, բայց ես չարեցի, քանի որ մի շարք խաղացողներ հեռացել են քաղաքական դրդապատճառներով։ Ստացվում է, որ շատերը հրաժարվել են, և ես նստում եմ ու հաղթում եմ»,- Ասկերովի խոսքերն է մեջբերել Հինգերորդ ալիքը։ Միաժամանակ Ասկերովն ուրախ է, որ շոուն շարունակում է եթեր հեռարձակվել։ «Առնվազն մեկ նորմալ հաղորդում պետք է լինի», – ասել է նա:
Ասկերովի դեմ գործի մասին հայտնի է դարձել ապրիլի 27-ին։ Գործի բացման պատճառ է դարձել, ինչպես հաղորդվում է, Ասկերովի գրառումը հրամանատար Գեորգի Ժուկովի մասին։ Նշվում է, որ Ասկերովին մեղադրանք է առաջադրվել ՌԴ ՔՕ 354.1 հոդվածի չորրորդ մասով, նրան սպառնում է մինչև հինգ տարվա ազատազրկում։
