Տպել
Երգիչ Ջասթին Բիբերն ու երգչուհի Սելենա Գոմեսն արդեն 5 տարի է, ինչ բաժանվել են, սակայն երգչուհու երկրպագուները հանգիստ չեն թողնում Ջասթինին և նրա կնոջը՝ Հեյլիին։
Մինչդեռ մշտապես Ջասթինին մեղադրանքներ էր ուղղվում համացանցում, իսկ Հեյլիին` վիրավորանքներ Սելենայի երկրպագուների կողմից, այս անգամ տեղի է ունեցել շոկայինը, ըստ երկրպագուների հենց ինքը՝ Սելենան է ծաղրել Հեյլի Բիբերին։ Բանն այն է, որ նախօրեին մոդելը տեսանյութ է հրապարակել, որտեղ զբաղվում է դեմքի խնամքով, որից քիչ անց Սելենան իր Տիկ-Տոկում նմանատիպ տեսանյութ է տեղադրել` աչքերը ոլորելով և ծաղրելով։
Այս անգամ Հեյլիի երկրպագուները հարձակում են գործել երգչուհու վրա մեկնաբանություններում` ասելով, իբրև դա անվայել վերաբերմունք է, ինչին Սելենան պատասխանել է՝ «Սա է պատճառը, որ համացանցի հետևանքով ես ցանկանում եմ դիմել հոգեբանի, չգիտեմ՝ ինչ եմ ես սխալ արել այս անգամ, բայց ներողություն եմ խնդրում բոլորիցդ»։
