Տպել
Հունաստանը պետք է խուսափի հայտարարություններից ու գործողություններից, որոնց համար ստիպված կլինի զղջալ։ Այս մասին սոցիալական ցանցերում գրել է Թուրքիայի նախագահ Ռեջեփ Թայիփ Էրդողանը։
Թուրքական պետության ղեկավարը վերջերս է վերադարձել Իզմիրի շրջանում զորավարժություններից և անմիջապես գրառում է կատարել Twitter-ում։ Էրդողանը Հունաստանին հիշեցրել է, որ իրեն կարող է սպասել հարյուր տարի առաջվա փորձը և խորհուրդ է տվել «խելքի գալ»։
Հիշեցնենք, որ թուրք-հունական պատերազմը 1919-1922 թթ. ավարտվեց Հունաստանի պարտությամբ։ Հետո Թուրքիան սկսեց աստիճանաբար վերականգնվել ու հզորանալ՝ վերածվելով տարածաշրջանային տերության։
Հունական կողմին կարող է «ողբերգական ավարտ» սպասել, եթե նա շարունակի սպառազինություն կուտակել Էգեյան ծովի կղզիներում։ Ավելի վաղ Էրդողանը, խոսելով Հունաստանում ամերիկյան նոր ռազմակայանների հայտնվելու մասին, կասկած էր հայտնել, որ դրանք ստեղծվում են Ռուսաստանին հակազդելու համար։
