Տպել
Խումբ, ուր 30-ամյա Նադալը պատանի է երևում:
Ուրբաթ Ռաֆայել Նադալը հաղթեց Գրիգոր Դիմիտրովին 5 սեթում և դարձավ եզրափակչի վերջին մասնակիցը: Նա ամենաերիտասարդն է քառյակի մեջ:
Ռոջեր Ֆեդերերը և Սերենա Ուիլյամսը 35 տարեկան են, իսկ Վինուս Ուիլյամսը՝ 36:
Ֆեդերերը և Նադալը «Մեծ Սաղավարտի» մրցաշարի եզրափակչում կխաղան 9-րդ անգամ: Վստահ առավելությունն իսպանացու կողմն է՝ 6:2: Վերջին անգամ նրանք տիտղոսը խաղարկել են Ռոլան-Գարոս-2011-ի եզրափակչում:
Ուիլյամս քույրերի համար հանդիպումը եզրափակչում նույնպես կլինի 9-րդ անգամ: Սերենան հաղթում է 6:2 հաշվով: Առաջին անգամ նրանք տիտղոսը խաղարկել են US Open-2001-ը եզրափակիչում: Ուիմբլդոն-2009-ում պարտություն կրելով կրտսեր քրոջից՝ Վինուսն այլևս եզրափակչում չէր հայտնվել:
Պատրաստեց Անի Գաբուզյանը
