Տաքսու վարորդը ծեծի է ենթարկել ու մեքենայից դուրս վռնդել երեխայի հետ ուղևորին

Օմսկում տաքսու վարորդը ծեծի է ենթարկել ու մեքենայից դուրս է վռնդել մի ուղեւորի, ով ճանապարհորդում էր հինգ ամսական երեխայի հետ։

Միջադեպը տեղի է ունեցել հունիսի 22-ի կեսօրին։  Տուժողն արդեն բողոք է ներկայացրել ոստիկանություն, հայտնում են մարզային դատախազությունից։

Ինչպես հայտնում է РИА Новости-ի աղբյուրը, ուղևորը նախօրոք վճարել է ուղեւորության համար, սակայն երթուղին հետևելու փոխարեն տաքսու վարորդն սկսել է պտտվել տարածքում։  Կինն սկսել է զանգահարել ընկերներին և ոստիկանություն, որից հետո տղամարդը սկսել է հարվածել նրա գլխին։