Տպել
Գյումրիի նախկին քաղաքապետ, Հանրապետական կուսակցության նախկին անդամ Վարդան Ղուկասյանը որոշել է մասնակցել խորհրդարանական ընտրություններում՝ առաջադրվելով Գագիկ Ծառուկյանի գլխավորած դաշինքի ցուցակով։ Այդ մասին Panorama.am-ին տեղեկացրեց ինքը՝ Ղուկասյանը։
«Նման որոշում եմ կայացրել, որ ծառայեմ իմ ժողովրդին։ Ես վա՞տ եմ աշխատել, շատ լավ աշխատել եմ, շատ բարեխիղճ, շատ գեղեցիկ և էնքան բան ունեմ արած, որ էնքանից շատ։ Ես կարող եմ նորից անել։ Սպառված չեմ»,-իր որոշման պատճառները ներկայացրեց Ղուկասյանը։
Նա ասաց, որ միանալու է «Ծառուկյան դաշինքին»։
Դիտարկմանը, թե Գյումրիի տարածաշրջանում թեժ պայքար է սպասվում, Ղուկասյանը արձագանքեց. «Էհ, ինչ անեմ, կյանքը էդպես է, ես սիրում եմ պայքար։ Ով չի պայքարում, ի՞նչ է։ Երբ մարդը ծնվում է մորից, պայքարի մեջ է մտնում, որ մոր կուրծքը ուտի, չէ՞։ Այդտեղից պայքարը սկսվում է, մինչև հոգին տալը։ Ուզում ես եղի ակադեմիկոս, ուզում ես եղի խոհրարար, պտի պայքարես, էս կյանքը պայքար է»։
Ամբողջությամբ՝ սկզբնաղբյուր կայքում:
