Տպել
Կան բազմաթիվ աչքի հիվանդություններ, որոնք կարող են զրկել տեսողությունից։
Ըստ մասնագիտական ծառայությունների եւ կոնտակտային ոսպնյակների Lenstore օպտիկայի կլինիկական տնօրեն Սուջատա Փոլի, գործունեության որոշակի ձեւեր կարող են լուրջ վտանգ ներկայացնել տեսողության համար՝ մեծացնելով այս հիվանդությունների զարգացման ռիսկը, գրում է Express-ը:
Մասնագետը խոսել է այնպիսի վատ սովորության մասին, ինչպիսին է ծխելը։
Բացի այդ, ըստ Փոլի, վեյպը նույնպես կարող է վնասակար լինել տեսողության համար։
«Հայտնի եւ ապացուցված է, որ ծխախոտը բազմաթիվ բացասական հետեւանքներ է ունենում օրգանիզմի, այդ թվում՝ տեսողության վրա: Կարճաժամկետ հեռանկարում ծխախոտի ծուխը կարող է առաջացնել նաեւ չոր աչքի համախտանիշ, ինչը հանգեցնում է աչքերի գրգռման եւ ցավի: Երբ խոսքը երկարաժամկետ ռիսկի մասին է, կարող է տեսողության անդառնալի կորուստ լինել»,- նշել է փորձագետը:
Մասնագետը պարզաբանել է, որ, օրինակ, էլեկտրոնային ծխախոտ ծխելը աչքերում թթվային սթրես է առաջացնում։
Փոլի խոսքով, թթվային սթրեսը առաջանում է, երբ թթվածնի մակարդակի անհավասարակշռություն կա: Ժամանակի ընթացքում վեյպը մեծացնում է կատարակտի, մակուլյար դեգեներացիայի եւ նույնիսկ գլաուկոմայի զարգացման ռիսկը:
Գլաուկոման աչքի հիվանդություն է, որը վնասում է տեսողական նյարդը, որը կապում է աչքը ուղեղին:
Ավելի վատ է այն, որ աչքի հիվանդությունը կարող է հանգեցնել տեսողության կորստի, եթե այն վաղ փուլում չախտորոշվի։
Ցավոք, գլաուկոման բնութագրվում է նախազգուշացնող նշանների բացակայությամբ, ինչը դժվարացնում է դրա հայտնաբերումը:
Այս հիվանդությունը սովորաբար դանդաղ է զարգանում՝ երկար տարիների ընթացքում:
Գլաուկոմայով պացիենտները ունենում են որոշ ախտանիշներ, ինչպիսիք են՝
– Աչքերիի ինտենսիվ ցավը
– Սրտխառնոցը եւ փսխումը
– Աչքերի կարմրությունը
– Գլխացավը
– Աչքերի շուրջ քնքշության զգացումը
– Լույսի շուրջը օղակներ տեսնելը
– Մշուշոտ տեսողությունը։
