Տպել
Miss America-ն այս տարի թեժ է լինելու։ Մրցույթի 52 մասնակիցներից (ԱՄՆ-ի 50 նահանգները գումարած Պուերտո Ռիկոյի և Վաշինգթոնի ներկայացուցիչները) կազմված խումբը պատրաստված ժամանել է Նյու Ջերսի՝ ցուցադրելու իրենց գեղեցիկ մարմիններն ու տաղանդները։ Բայց այս անգամ Miss America-ն փոքր-ինչ կտարբերվի մյուս տարիներին կայացած մրցույթներից, քանզի առաջին անգամ մասնակիցներից մեկը՝ Միսուրին ներկայացնող Էրին Օ՚Ֆլահերթին, լեսբուհի է, իսկ Միսս Միչիգանը Ասիայում ծնված Արիաննա Քուանն է։
Ճիշտ է, բոլոր 52 մասնակիցներն էլ ունեն մեկ երազանք՝ դառնալ 96-րդ Miss America-ն, բայց Միսս Միսուրիի շանսերը կարծես ավելի մեծ են։ Աղջիկն արդեն հասցրել է հայտնվել համաշխարհային պարբերականների առաջին էջերին և հարցազրույցներ տալ.
«Ես հարգում եմ ԼԳԲՏ համայնքին և հպարտ եմ, որ դրա մասնիկն եմ։ Բայց միևնույն ժամանակ ես ունեմ նպատակներ, որոնք ոչ մի կապ չունեն իմ սեռական կողմնորոշման հետ։ Կոչ եմ անում մարդկանց հասկանալ, որ սա է իմ էությունը»,- ասել է Էրինը։
Նշենք, որ «Miss America 2016»-ի եզրափակիչը տեղի կունենա սեպտեմբերի 11-ին։ Ժյուրիի կազմում են հայտնի երգչուհի Սիարան և Օլիմպիական չեմիպիոն, մարմնամարզուհի Գաբբի Դուգլասը։
