Ռուսաստանում պատրաստվում են երեխաներին Քրիստոսի մարտիկներ դարձնել

ՌԴ Իվանովոյի շրջանում գտնվող Նիկոլո-Շարտոմսկի վանքի գիշերօթիկ դպրոցը հայտարարել է աշակերտների հավաքագրում, որոնք կպատրաստվեն որպես Քրիստոսի մարտիկներ: Այս մասին հաղորդվում է հաստատության կայքում, փոխանցում է Gazeta.ru-ն։

Ուսումնական հաստատությունում ծնողներին առաջարկվում է իրենց երեխաներին հոգեւորական դարձնել։

«Մեր դպրոցը ստեղծվել է օրհնությամբ և կոչված է կրթելու իսկական երիտասարդներ, ապագա մարտիկներ՝ քրիստոնյա, երկրային և երկնային Հայրենիքի պաշտպաններ՝ կռվող և՛ հոգևոր մարտի դաշտում, և՛ երկրային դաշտում»,-ասվում է վանքի գիշերօթիկի կայքում։

Նաև հաստատության կայքում նշված է, որ դպրոցի նպատակն է կրթել ուղղափառ աշխարհայացք ունեցող մարդու ողջ անհատականությունը: Գիշերօթիկ դպրոցը սովորեցնում է կարգապահություն և հնազանդություն: