Ուկրաինայում կանանց զինվորագրումը մեկ տարով հետաձգվել է

Ուկրաինայում զինվորական ծառայության համար կանանց գրանցումը հետաձգվել է մեկ տարով՝ մինչև 2023 թվականի հոկտեմբերի 1-ը։ Այս մասին հայտարարել է երկրի պաշտպանության փոխնախարար Աննա Մալյարը, փոխանցում է РИА Новости-ն։

Խոսքը որոշակի մասնագիտությունների ներկայացուցիչների մասին է։ Մալյարը պարզաբանել է, որ այժմ ուկրաինացի կանանց արտասահման մեկնելու արգելքներ չկան։

Սակայն գրանցման հետաձգումը չի ենթադրում փոփոխություններ Ուկրաինայի օրենսդրության մեջ։ Սա նշանակում է, որ Գերագույն Ռադայի պրոֆիլային հանձնաժողովը պետք է վերջնական տեսքի բերի «Զինվորական հերթապահության և զինվորական ծառայության մասին» հոդվածում փոփոխություններ կատարելու մասին օրինագիծը», – ասել է Մալյարը։

Սեպտեմբերի 5-ին Գերագույն Ռադայի պատգամավոր Ալեքսի Գոնչարենկոն հայտարարել էր, որ Ուկրաինայի խորհրդարանը պաշտպանել է զինվորագրման համար կանանց կամավոր գրանցման մասին օրինագիծը։ Նա մատնանշել էր, որ կանանց զինվորական հաշվառման մասին օրենքի նախագծի հաջորդ քայլը կլինի Ռադայում ուղիղ քվեարկությունը։