Տպել
Ռումինիայում ավարտված մինչև 14, 16 և 18 տարեկան աղջիկների ու պատանիների շախմատի Աշխարհի առաջնությունում իր ֆանտաստիկ ելույթներով աչքի ընկավ Մարիամ Մկրտչյանը: Նա տարավ 11 հաղթանակ և 11 հնարավորից վաստակեց նույնքան միավոր, ինչը աննախադեպ բացառիկ արդյունք է ամբողջ մրցաշարի 620 մասնակիցների համար:
Հիշեցնենք, որ Մարիամը աշխարհի չեմպիոնի կոչումը նվաճել էր դեռ երեկ, սակայն այսօր ևս մարտական տրամադրվեց ու նույնիսկ չեմպիոնի կարգավիճակում կես միավոր չտվեց մրցակցին: Վերջին տուրում Մարիամը հաղթեց Վալերիա Ռեգերին: Նշենք, որ մոտակա մրցակիցները Մարիամից հետ մնացին 2,5 միավոր:
Հիշեցնենք, որ շախմատի աշխարհի պատանեկան առաջնությունների պատմության մեջ հայ շախմատիստուհիներից դեռ ոչ մեկին չէր հաջողվել տարիքային որևէ խմբում չեմպիոնուհու տիտղոսին արժանանալ:
