Տպել
ՌԴ Պաշտպանության նախարարությունը պարզաբանել է, թե ինչպես է Ռուսաստանում տեղի ունենալու մասնակի մոբիլիզացիան, հաղորդում է ՌԻԱ Նովոստին։
– նրանք, ովքեր անհրաժեշտ են առաջադրանքները կատարելու համար, կկանչվեն: Նրանք են, իհարկե, հրաձիգները, տանկիստները, հրետանավորները, վարորդները, վարորդ-մեխանիկները:
– որպես այդպիսին, պահեստազորից հերթականություն չկա, սակայն առաջնահերթությունը տրվում է զինվորական հաշվառման համապատասխան մասնագիտություններ ունեցողներին:
– զորակոչվողների թիվը որոշվում է սարքավորվող զորամասերի հաստիքային կարիքներով:
Հիմնական գործոններից մեկը մարտական փորձի առկայությունն է.
– զորակոչվելու են ինչպես սպաներ, այնպես էլ շարքայիններ և սերժանտներ:
-օրենքով զորակոչի են ենթակա մինչև 35 տարեկան շարքայինները և սերժանտները, մինչև 50 տարեկան կրտսեր սպաները, մինչև 55 տարեկան ավագ սպաները։
ՊՆ-ում նշել են, որ կան պաշտոններ, որոնք կարող են զբաղեցնել համապատասխան զինվորական մասնագիտություններ ունեցող կանայք, օրինակ՝ բուժաշխատող, սակայն նման մասնագետների կարիքը նվազագույն է։
Օրենքով սահմանված կարգով չեն զորակոչվի.
– պաշտպանական արդյունաբերության ձեռնարկությունների աշխատակիցները,
– նրանք, ովքեր ճանաչվել են որպես առողջական պատճառներով ժամանակավորապես ոչ պիտանի,
– զբաղված են ընտանիքի անդամի կամ I խմբի հաշմանդամության մշտական խնամքով,
– ովքեր ունեն մինչև 16 տարեկան չորս կամ ավելի երեխաներ,
– նրանք, ում մայրերը, բացի իրենցից, ունեն մինչև ութ տարեկան չորս և ավելի երեխա և դաստիարակում են առանց ամուսնու։
Եթե զինվորական թոշակառուն, անկախ ուժային կառույցներին պատկանելուց, թոշակի է անցել (65 տարեկանից բարձր կամ առողջական պատճառներով) և հանվել է զինվորական հաշվառումից, նա ենթակա չէ զորահավաքի։
Պահեստազորից զորակոչվածների քանակի քվոտաներ սահմանված չեն։ Ելնելով գործող զորահավաքային ռեզերվի ծավալից՝ յուրաքանչյուր մարզ ունի առանձին մոբիլիզացիոն խնդիր՝ դա կախված է մարզում զինվորական հաշվառում ունեցող քաղաքացիների թվից։
Նրանք, ովքեր մշտապես բնակվում են Ռուսաստանից դուրս և հաշվառված չեն զինվորական ծառայության կազմում, ենթակա չեն զորակոչի, իսկ նրանք, ովքեր կարճ ժամանակով մեկնել են և հաշվառված են ՌԴ իրենց բնակության վայրում զինվորական ծառայության կազմում, կարող են զորակոչվել։
