Տպել
Եթե ցավազրկողի հետ ջրի փոխարեն սուրճ խմեք, ցավն ու անհանգստությունն ավելի արագ կանցնեն։ Այս մասին URA.RU-ին հայտնել է թերապևտ Ալեքսեյ Վոդովոզովը։
«Փաստն այն է, որ դեռևս անհայտ մեխանիզմով կոֆեինը մեծացնում է այդ դեղամիջոցների կենսահասանելիությունը: Դրանք ավելի արագ են ներծծվում, ավելի արագ են հայտնվում կենտրոնական նյարդային համակարգում, ավելի արագ են գործում, ունենում են ավելի քիչ կողմնակի ազդեցություններ և ավելի ընդգծված ուղիղ ազդեցություն»,- նշել է բժիշկը։
Ինչպես հավելել է թերապևտը, այդ պատճառով էլ կոֆեինը ներառված է բազմաթիվ համակցված ցավազրկողների բաղադրության մեջ։
Բժշկի խոսքով՝ այս մեթոդը հարմար է բոլոր դեղամիջոցների համար, որոնք անալգետիկ ազդեցություն ունեն։
«Նույնիսկ եթե դուք պարզապես ունեք Պարացետամոլ կամ Իբուպրոֆեն հաբեր, դրանք կարելի է լուծել սուրճի մեջ: Ոչ մի սարսափելի բան չի լինի, ընդհակառակը, ավելի լավ կլինի»,- եզրափակել է Վոդովոզովը:
