Տպել
Ադրբեջանը Հայաստանին ներկայացրել է խաղաղության պայմանագրի ընդլայնված տարրեր, հայկական կողմը ժամանակ է վերցրել դրանց ծանոթանալու համար, ասել է Ադրբեջանի արտգործնախարար Ջեյհուն Բայրամովը, գրում է NEWS.ru-ն։
Նրա խոսքով՝ ընդլայնված տարրերը լրացնում են նախկինում ներկայացված հինգ հիմնական սկզբունքները, որոնք պետք է դառնան խաղաղության պայմանագրի և Բաքվի և Երևանի միջև հարաբերությունների կարգավորման հիմքը։
Ադրբեջանական կողմը հակառակ կողմին ներկայացրել է ընդլայնված տարրեր (խաղաղության պայմանագրի վերաբերյալ)։ Հայկական կողմը ժամանակ է խնդրել դրանց հետ ծանոթանալու համար»,- ասել է Բայրամովը։
Նա ընդգծել է, որ Ադրբեջանը շահագրգռված է Հայաստանի հետ բանակցություններում առաջընթացով, մասնավորապես՝ խաղաղության պայմանագրի կնքման, հաղորդակցությունների բացման և հայ-ադրբեջանական պետական սահմանի սահմանազատման շուրջ։
