Տպել
Բրիտանացի գիտնականները մշակել են արագ թեստ, որը թույլ է տալիս շտապ հայտնաբերել տարբեր գենետիկ հիվանդություններ, հայտնում է The Guardian-ը։
«Սա հեղափոխական իրադարձություն է առողջապահական համակարգի եւ գենոմային բժշկության համար, քանի որ թեստը կօգնի արագ ախտորոշել հիվանդությունները հազարավոր ծանր հիվանդ երեխաների մոտ եւ փրկել նրանց կյանքը»,- ասում է Մեծ Բրիտանիայի Առողջապահության ազգային ծառայության (NHS) գործադիր տնօրենը:
Մինչ այժմ նման հետազոտությունները տեւում էին մի քանի շաբաթ՝ հետաձգելով կենսական կարեւոր բուժման մեկնարկը։ Ըստ գիտնականների՝ սա մինչ օրս միակ թեստն է, որը վերլուծում է մարդու գենոմի բոլոր 22 000 գեները, եւ արդյունքները ստացվում են երկու օրվա ընթացքում: Բժիշկներն այս թեստերի օգնությամբ կհայտնաբերեն ԴՆԹ-ի փոփոխությունները եւ նույնիսկ հազվագյուտ գենետիկ խախտումներ կախտորոշեն:
Հետազոտություններն անցկացվել են Միացյալ Թագավորության գենոմային բժշկության ծառայությունում, որը գտնվում է Դեւոնշիրում՝ Անգլիայի հարավ-արեւմուտքում: Այժմ գիտնականները շարունակում են աշխատանքները՝ թեստի արդյունքը ստանալու ժամանակը մի քանի ժամով կրճատելու համար։
