Նախկին թագավորական սպասավորը խոստովանել է՝ ինչն է նրան շոկի ենթարկել

Չարլզ III թագավորի նախկին սպասավորը իր զարմանքն է հայտնել, թե որքան «փոքր» էր իրական կյանքում Եղիսաբեթ II թագուհին: Այդ մասին գրում է Express-ը։

Գրանտ Հարոլդը յոթ տարի աշխատել է Չարլզ III-ի համար: Թագավորի նախկին սպասավորը 26 տարեկան էր, երբ նրան առաջին անգամ ներկայացրին թագուհուն: Նա խոստովանել է, որ իրեն հուսահատեցրել է Էլիզաբեթ II-ի հասակը։ Ենթադրվում է, որ թագուհին մահվան պահին ունեցել է 160 սմ հասակ:

«Հիշում եմ, որ մտածում էի, թե որքան փոքր է նա, դուք չեք պատկերացնի, թե որքան փոքր էր», – ասել է Հարոլդը:

Նախկին սպասավորի խոսքով՝ թագուհու ներկայությամբ նա իրեն միշտ հանգիստ է զգացել։ «Այն, ինչ ես ինձ մոտ տպավորվել է, նրա հիանալի պահվածքն է։ Նա թագուհու պես չէր վարվում, մենք շատ հաճելի զրույց էինք ունենում, և ես նրա կողքին ինձ շատ հանգիստ էի զգում», – կիսվել է Գրանտ Հարոլդը:

Նա նաև ասել է, որ թագուհին սիրում էր սուր կատակներ անել։ Թագուհու շրջապատից ոմանք միշտ չէ, որ հասկանում էին նրա հումորը։

«Քիչ են մարդիկ, ովքեր կարող են ասել, որ աշխատել են երեք միապետների հետ։ Ես շատ հպարտ եմ, որ ես դա արեցի, որ ես ճանաչում էի նրանց», – ասել է նախկին սպասավորը: