Տպել
Կյանքը սևի և սպիտակի բաժանելն այնքան էլ լավ միտք չէ. բոլոր մարդիկ էլ դրական և բացասական հատկություններ ունեն։ Բայց հավանաբար նկատած կլինեք, որ որոշ մարդկանց հետ շփումը հատկապես բարդ է, իսկ ոմանց հետ ավելի լավ է առհասարակ շփում չունենալ, քանի որ նրանց բնավորությունը կարող է նյարդայնացնել և հունից հանել նույնիսկ ամենահավասարակշռված և հանգիստ մարդուն։ Նրանք փոփոխական են, հակված են հիստերիաների և ագրեսիայի, նեղացկոտ են, ոչ կոռեկտ։ Greatpicture.ru-ն ներկայացրել է կենդանակերպի 5 նշաններին, որոնք ամենաանտանելի բնավորությունն ունեն։
Կարիճ։ Իրենց համարում են աշխարհի կենտրոնը։ Բարձր ինքնագնահատականի արդյունքում՝ գովասանքն ընկալում են՝ որպես պարտադիր երևույթ, իսկ քննադատությունն առհասարակ չեն ընդունում։ Փակ են, չարակամ, վրիժառու։ Տանել չեն կարողանում սուտը և շողոքորթությունը, բայց եթե հարցնեք նրանց կարծիքը, կարող եք չկասկածել, որ կլսեք միայն ճշմարտությունը։
Խոյ։ Խոյերի իմպուլսիվությունը հաճախ անցնում է բոլոր սահմանները։ Պոռթկուն են, անտակտ։ Էգոիստ են և չեն էլ փորձում թաքցնել դա։ Սիում են բողոքել իրենց կյանքից։ Այդպիսի պահերին ավելի լավ է չընդհատել նրանց, քանի որ Խոյերը նեղացկոտ են և կոնֆլիկտային։ Նրանց ինքնավստահությունը սահմաններ չունի։ Կարծում են, թե ամեն ինչ գիտեն և կարող են մյուսներից շատ ավելի լավ։
Երկվորյակներ։ Տրամադրությունը նույնքան փոփոխական է, որքան նրանց պլանները։ Շփվող են, բայց չնայած դրան՝ իսկապես մտերիմ ընկերներ քիչ ունեն։ Դա զարմանալի չէ, քանի որ նրանք հուսալի չեն և երկերեսանի են։ Զարգացած երևակայություն ունեն, հաճախ սիրում են «զարդարել» իրենց պատմությունները։
Ջրհոս։ Հաճախ են ուժեղ և արդար անձանց տպավորություն թողնում։ Իրականում հակառակ պատկերն է՝ կենդանակերպի այս նշանի ներկայացուցիչներն անտարբեր են մյուսների խնդիրների նկատմամբ։ Նրանք բռնապետներ են, որոնք նպատակին հասնելու համար ոչինչ չեն խնայում։ Անկանխատեսելի են, հաճախ են սիրում արկածների մեջ հայտնվել։ Սուտ խոսելը նրանց համար բարդ չէ, քանի որ իրենք էլ հավատում են իրենց ստին։
Այծեղջյուր։ Հիվանդագին ձևով կախված են գովասանքից։ Տանել չեն կարողանում անհարգալից վերաբերմունքն իրենց նկատմամբ՝ չնայած մյուսների նկատմամբ չափազանց քննադատական մոտեցում են ցուցաբերում։ Չափազանց կամակոր են, և նրանց հետ շփվելը պարզապես անտանելի է լինում։ Քննադատում են այն ամենը, ինչ չի համապատասխանում ճշմարիտի իրենց պատկերացումներին։
Նյութը հրապարակման պատրաստեց 168.am-ը
