Հայտնի են Ժիզել Բունդխենի և Թոմ Բրեյդիի ամուսնալուծության պատճառները

Ամերիկացի ֆուտբոլիստ Թոմ Բրեյդին և սուպերմոդել Ժիզել Բունդխենը 13 տարվա ամուսնությունից հետո պաշտոնապես ամուսնալուծության հայց են ներկայացրել։ Զույգին մոտ կանգնած աղբյուրը People-ին պատմել է բաժանման պատճառների մասին։

«Թոմը փորձեց շտկել իրենց ամուսնությունը Ժիզելի հետ, բայց դա շատ քիչ էր և շատ ուշ էր։ Նա շատ հնարավորություններ տվեց, իսկ Ժիզելը չարեց: Նա ուզում էր իրեն լսել, բայց նա չլսեց նրան, այլ նոր կրքերով էր զբաղված»,- պատմել է աղբյուրը։

Նա նաև ավելացրել է, որ Թոմ Բրեյդին զբաղված է եղել իրենց ամուսնության բոլոր 13 տարիներին, ինչը, ըստ աղբյուրի, լավ է նրա համար, սակայն մոդելի մոտ այնպիսի տպավորություն է ստեղծվել, որ նա երբեք չի լսել իրեն։

«Նա միշտ եղել է նրա և երեխաների կողքին, նույնիսկ ֆուտբոլի ժամանակ։ Դա անոմալիա է, որ նա այդքան երկար է խաղում: Այո, նա աշխատում էր՝ ինչպես ցանկացած ծնող, բայց միշտ շատ ժամանակ է անցկացնում ընտանիքի հետ»,- հավելել է ընտանիքին մոտ կանգնած մեկ այլ աղբյուր։

Ժիզել Բունդխենը և Թոմ Բրեյդին սկսել են հանդիպել 2006 թվականին, իսկ 2009 թվականին ամուսնացել են։ Երկու կողմերի փաստաբանները ամբողջ հոկտեմբերի ընթացքում բանակցել են ամուսնալուծության պայմանների շուրջ և համաձայնության են եկել զույգի երեխաների՝ Բենջամինի և Վիվիենի ունեցվածքի բաժանման և խնամակալության վերաբերյալ: Փաստաթուղթը նույնպես ներկայացվել է դատարան, սակայն դրա բովանդակությունը չի հաղորդվում։