Տպել
Apple-ի գործադիր տնօրեն Թիմ Կուկը ելույթ է ունեցել ամերիկացի դիջեյ Դիպլոյի հետ Լաս Վեգասի XS կոչվող գիշերային ակումբում, որը գտնվում է Wynn հյուրանոցում։ Երաժիշտն իր TikTok պրոֆիլում տեսանյութ է հրապարակել ՏՏ կորպորացիայի թոփ մենեջերի հետ։
Հրապարակված տեսանյութում երևում է, թե ինչպես են Թիմ Կուկին տեսանկարահանում թիկունքից։ Դիջեյի հրամանով՝ Կուկը գործի է դնում գոլորշու մեքենան, և դահլիճը լցվում է գոլորշիով։
«Ես գործարք կնքեցի Թիմ Կուկի հետ։ Եթե ես թույլ տամ նրան կառավարել ծխատար հրացանը, նա իմ լուսանկարը պաստառ կդարձնի բոլոր iPhone-ների համար: Թարմացումը կհայտնվի վաղը։ Չզարմանաք, երբ արթնանաք»,- մակագրել է Դիպլոն տեսանյութը։
