Քիմ Քարդաշյանին դատապարտել են քրոջ նախկին ընկերոջ հետ օրն անցկացնելու համար

Քիմ Քարդաշյանի բաժանորդները դժգոհել են, որ նա ժամանակ է անցկացրել քրոջ՝ Քլոե Քարդաշյանի նախկին ընկերոջ հետ։ Այդ մասին գրում է Page Six-ը։

Քիմ Քարդաշյանը Instagram-ում գրառում է հրապարակել, որտեղ նա հայտնել է, որ ինքը և Թոմփսոնը վերջերս այցելել են Լոս Անջելեսի անչափահասների գաղութ։ Նրանք ընթրել են երիտասարդների հետ Գոհաբանության տոնի նախօրեին։

«Այս տարի ես շատ շնորհակալ եմ այն ​​մարդկանց, ում հանդիպել եմ երկրի բոլոր բանտերում։ Տրիստան Թոմփսոնը և ես այս շաբաթ ոգեշնչող ընթրիք ունեցանք Քիլպատրիկ գաղութում բանտարկված երիտասարդների հետ: Նրանցից շատերը քոլեջում են և մեծ փոփոխություններ են կատարել իրենց կյանքում»,- գրել է Քարդաշյանը։

Նրա խոսքով, ճաշի ժամանակ ամենից շատ հաճույք է ստացել տղաների հետ զրուցելուց և նրանց երազանքների ու ձգտումների մասին պատմություններ լսելուց: «Չեմ համբերում, թե երբ կտեսնեմ, որ դրանք բոլորը կյանքի են կոչվել», – գրել է նա:

Չնայած բարեգործական գրառմանը՝ Քիմ Քարդաշյանի երկրպագուները չեն գնահատել նրա ուղեկցի ընտրությունը։ «Ինչու՞ ես դա անում Տրիստանի հետ այն բանից հետո, թե նա ինչ արեց քո քրոջ հետ: Խնդրում եմ՝ բացատրեք, թե որն է իմաստը», «Տեսնում եմ, որ նրանք վերջապես Տրիստանին բանտ են նստեցնելու»,- գրել են հետևորդները։

Տրիստան Թոմփսոնն ու Քլոե Քարդաշյանն ունեն 4-ամյա դուստր՝ Թրուն, և 3 ամսական որդի։ Բասկետբոլիստը մի քանի անգամ քննադատվել է սիրելիին դավաճանելու համար։

Kim Kardashian during her visit to Yerevan, Armenia 07 October, 2019

LOS ANGELES, CALIFORNIA – NOVEMBER 19: Kim Kardashian West attends The Promise Armenian Institute Event At UCLA at Royce Hall on November 19, 2019 in Los Angeles, California. (Photo by Stefanie Keenan/Getty Images for UCLA)