Թուրքիայում «հասարակաց տների թագուհի» անունը կրած Մաթիլդա Մանուկյանի կյանքը բեմադրվելու է թատրոնում

Թուրքիայի հասարակաց տների ցանցի հայ սեփականատեր Մաթիլդա Մանուկյանի կյանքը նրա մահից տարիներ անց բեմադրվելու է թուրքական թատրոնում։

Թուրքական OdaTV կայքի փոխանցմամբ՝Թուրքիայի ամենաազդեցիկ կին գործարարներից մեկը համարվող,  «հասարակաց տների թագուհի» անունը կրած Մաթիլդա Մանուկյանի կյանքը ներկայացնող ներկայացումը գրել է Բահար Հաջըբեքթաշօղլուն, ով այն հանդիսատեսին կներկայացնի մոնոներկայացման տեսքով։

Մաթիլիդա Մանուկյանը ծնվել է 1914 թվականին Ստամբուլի հայ ազնվականի ընտանիքում։ Կրթություն է ստացել Թուրքիայի լավագույն կրթական հաստատություններում։ Գործարար կյանքը սկսել է դերձակությամբ, սակայն իրեն պարտի դիմաց առաջարկվել է մասնաբաժին հասարակաց տների ցանցում։ Նա համաձայնվել է, որից հետո սկսել է ֆինանսական վերելքը։

Նա բազմիցս հայտնվել է խոշոր հարկատուների մեջ և ռեկորդային հարկեր վճարել պետությանը։

Մաթիլդա Մանուկյանը մահացել է 2001 թվականին ու թաղվել է Ստամբուլի հայկական գերեզմաններից մեկում։

news.am