Տպել
Բրիտանական Daily Mail պարբերականը հրապարակել է իր իսկ բնորոշմամբ շոկային տեսանյութ, որում երևում է՝ ինչպես է երիտասարդ տղան առևանգում 18-ամյա աղջկան այն բանից հետո, երբ վերջինս հրաժարվել է ամուսնանալ իր հետ:
Դեպքը տեղի է ունեցել Ռուսաստանի Տամբով քաղաքում: Ֆիքսված կադրերում երևում է՝ ինչպես է 20-ամյա Ամիկ Շամոյանը, հոր՝ Հովհաննեսի և եղբոր՝ Ալոյի հետ առևանգում 18-րդ տարեդարձը նշող Բելլա Ռամոյանին:
Աղջկան տարել են Նիժնի Նովգորոդ՝ ըստ երևույթին ստիպելու նրան համաձայնվել հարսանիքի։
Հաղորդվում է, որ մի քանի օր անց Ռամոյանին հաջողվել է փախնել ու դիմել ոստիկանություն:
Միևնույն ժամանակ, մեկ այլ տեսանյութում երևում է, թե ինչպես է աղջկա կատաղած հայրը, ձեռքին զենք, առանց կրակելու, ավերում է սրճարան, որը պատկանում է իր դստեր առևանգողի ընտանիքին:
Հաղորդվում է, որ Ամիկ Շամոյանը դիմել է ոստիկանություն և խոստովանել առևանգումը:
Սակայն նրա հայրն ու եղբայրը շարունակում են մնալ ազատության մեջ և այժմ դաշնային հետախուզման մեջ են:
