Տպել
Երիցուկով և եղեսպակով ինհալացիաները լավագույն միջոցն են սինուսիտի դեմ: Եթե հաճախ քթի խոռոչի բորբոքումներ եք նկատում, ապա երիցուկն ու եղեսպակը խառնեք, թեյ պատրաստեք և դրեք կրակին: Թողեք թեյնիկը մնա կրակին ամբողջ գիշեր, որպեսզի ջուրը գոլորշիանա՝ դուրս հանելով եթերային յուղերի հոտը, որը հականեխիչ ազդեցություն կունենա:
Մեկ այլ բնական միջոց՝ սինուսիտի դեմ
Մեղրի, կիտրոնի հյութի և մի քանի այլ բաղադրիչների խառնուրդն ուղղակի հրաշալի կլինի սինուսիտի բուժման հարցում:
Քթի խոռոչի բորբոքումը հաճախ ուղեկցվում է քթի փակ վիճակով, ծանր շնչառությամբ և նույնիսկ գլխացավով: Եթե բնական միջոց եք փնտրում, որը կնվազեցնի այս բոլոր նախանշանները, ապա խորհուրդ ենք տալիս հետևյալ բաղադրատոմսը:
Բաղադրություն
1 բաժակ մեղր
1 բաժակ կիտրոնի հյութ
5-7 բողկ
1 փոքր սոխ
6 պճեղ սխտոր
Բանջարեղենները լավ լվացեք, ապա սոխի և սխտորի կեղևը մաքրեք: Կտրատեք սոխը չորս մասի: Բոլոր բաղադրիչները խառնեք, որպեսզի միատարր զանգված ստանաք: Խառնուրդը պահեք սառնարանում:
Չափահասները պետք է օրական 2 ճ/գ ընդունեն այս խառնուրդից: Երեխաները պետք է ամեն օր մեկ ճաշի գդալ ընդունեն: Տարբերությունը կզգաք 24 ժամ անց:
Սխտորով ինհալացիաներ
Եթե ինֆեկցիաները դեռ անհանգստացնում են, ապա ինհալացիաները կօգնեն ձեզ: Ջուրը եռացրեք և թարմ քամած սխտոր ավելացրեք: Կանգնեք կաթսայի «գլխին», իսկ ձեր գլխին սրբիչ գցեք: Այս մեթոդն անհարմար է, սակայն՝ չափազանց օգտակար:
Նյութը հրապարակման պատրաստեց Լիլիթ Հարությունյանը
