Տպել
Ռեփեր Քանյե Ուեսթը զրկվել է Չիկագոյի Արվեստի ինստիտուտի դպրոցի կողմից 2015 թվականին իրեն շնորհված պատվավոր դոկտորի կոչումից։ Այդ մասին գրում է NME-ն։
Դպրոցի նախագահ Էլիզա Թեննին հայտարարել է, որ Ուեսթի դիպլոմը չեղյալ է հայտարարվել, քանի որ ղեկավարությունը կարծում է, որ «հրեաների եւ սեւամորթների դեմ հակասեմական ու բորբոքված արտահայտությունները զզվելի են եւ դատապարտելի»: Նա նշել է, որ այն ժամանակ երաժիշտին աստիճանը շնորհվել է իր գեղարվեստական նվաճումների համար, սակայն դրանից հետո վերջին յոթ տարիների ընթացքում նրա «անհանգստացնող պահվածքն» ու «վտանգավոր հայտարարությունները» ստեղծել են հասարակական արժեքներին չհամապատասխանող կերպար։
Ուեսթի գիտական աստիճանի չեղարկումը տեղի է ունեցել մի խումբ ուսանողների կողմից միջնորդություն ներկայացնելուց հետո: Հավաքվել է ավելի քան 4000 ստորագրություն։
