Տպել
Ամերիկյան Lexeo Therapeutics ընկերության հետազոտողները, Alzheimer’s Disease-ի կլինիկական փորձարկումների համաժողովում, հայտարարել են Ալցհեյմերի հիվանդության գենային թերապիայի կլինիկական փորձարկումների առաջին փուլի հաջող ավարտի մասին, հայտնում է The New York Times-ը:
Բազմաթիվ ուսումնասիրությունների համաձայն՝ APOE4 սպիտակուցի գեն ունեցող մարդիկ ավելի շատ են ենթակա դեմենցիայի զարգացման ռիսկին, մինչդեռ նույն գենի փոփոխությունը՝ APOE2, նվազեցնում է այդ հավանականությունը: Գիտնականները որոշել են, որ հիվանդությունը, որը բնութագրվում է ճանաչողական խնդիրներով, կարող է բուժվել՝ մարդու օրգանիզմում APOE2 գենի պատվաստման միջոցով։
Ալցհեյմերի հիվանդության գենային թերապիայի առաջին փորձարկմանը մասնակցել է միայն հինգ հիվանդ՝ Ալցհեյմերի հիվանդության զարգացման բարձր գենետիկ ռիսկով: Նրանք ստացել են APOE2 գեն պարունակող դեղամիջոցի շատ ցածր չափաբաժիններ, որպեսզի գնահատեն դրա անվտանգությունը: Այն մեկ անգամ ներարկվել է գանգուղեղային հանգույցի մեջ, այն վայրում, որտեղ գանգը զուգակցվում է պարանոցին:
Փորձի արդյունքները ցույց են տվել, որ APOE2 սպիտակուցները սկսել են արտադրվել հետազոտվողների ողնուղեղային հեղուկում։ Սա նշանակում է, որ թերապիան հաջող է անցել։
Ավելին, հետազոտվողները նվազեցրել են տաու սպիտակուցի եւ բետա-ամիլոիդների պարունակությունը, որոնց բարձր կոնցենտրացիան բնորոշ է դեմենցիայով հիվանդներին։
Գիտնականները խոստացել են, որ շուտով կսկսեն հետազոտության հաջորդ փուլը։
