Սկանդալ Վենետիկի կինոփառատոնի ժամանակ (ֆոտո)

Վենետիկի կինոփառատոնը խոստանում էր ավելի հանգիստ և համեստ միջավայրում անցկացվել: Քանի որ դեռևս նախքան կինոֆորումի մեկնարկը կազմակերպիչները մասնակիցներին կոչ էին արել հրաժարվել չափազանց համարձակ և բաց հագուստներ կրելուց` ի հիշատակ օրեր առաջ Իտալիայում գրանցված երկրաշարժի զոհերի: Բացի այդ կինոփառատոնի շրջանակներում պետք է տեղի ունենար կրոնական թեմայով ֆիլմի աղմկահարույց պրեմիերա: Ռեժիսոր Պաոլո Սորենտինոն ներկայացրել է Ջուդ Լոուի մասնակցությամբ «Երիտասարդ պապը» հեռուստասերիալից որոշ հատվածներ: Որևէ մեկն անգամ չէր էլ կարող ակնկալել, որ Հռոմի Պիոս 8-րդ պապի մասին պատմող ֆիլմի պրեմիերայի շրջանակներում կարող է սկանդալ տեղի ունենալ: Սկանդալն առաջացել է երիտասարդ մոդելների համարձակ զգեստների պատճառով: Մոդելներ Դայան Մելոն և Ջուլիանա Սալեմին կարմիր գորգի վրա հայտնվել են սադրիչ բացվածք ունեցող զգեստներով: Մոդելները համարձակորեն ցուցադրել են ավելին, քան կարելի էր: Մոդելների անպարկեշտ վարքագծի մասին գրել են ոչ միայն իտալական, այլև օտարերկրյա լրատվամիջոցները: Սկանդալից հետո մոդելներից մեկը ֆեյսբուքում գրառում է կատարել և փորձել առաջացած սկանդալը մեղմել: Նա հայտարարել է, որ նման համարձակ զգեստ կրել է միայն դիզայներին աջակցելու նպատակով: Աղբյուրը՝ ZumaPress: