Տպել
Բրովարիում ուղղաթիռի վթարի հետեւանքով զոհվել է ներքին գործերի նախարարության ղեկավարությունը, տեղեկացրել է ՈւՆԻԱՆ-ը։
«Այսօր՝ հունվարի 18-ի առավոտյան, Բրովարիում արտակարգ իրավիճակների պետական ծառայության ուղղղաթիռ է վթարվել։ Ավիավթարի հետեւանքով զոհվել է ՆԳՆ-ի ղեկավարությունը՝ նախարար Դենիս Մոնաստիրսկին, նախարարի առաջին տեղակալ եւ պետական քարտուղար Յուրի Լուբկովիչը»,- տեղեկացրել է ազգային ոստիկանության ղեկավար Իգոր Կլիմենկոն։
Ըստ Կլիմենկոյի՝ այժմ հայտնի է 16 զոհի մասին, նրանցից 2-ը՝ երեխա։ Նա նշել է, որ զոհվածներից 9 հոգի գտնվել է ուղղաթիռում։
«22 տուժած հիվանդանոց է տեղափոխվել, որոնցից 10-ը՝ երեխա։ Պատահարի վայրում աշխատում են բոլոր մասնագիտացված ծառայությունները։ Շարունակվում է պատահարի վայրի զննությունը»,- ավելացրել է ոստիկանության ղեկավարը։
