Տպել
Նոր տարին շատերի համար կյանքը նոր էջից սկսելու հնարավորություն է։ Ինչ-որ մեկին թվում է, թե նախորդ 365 օրերի խնդիրները մնացել են ետևում, իսկ գալիք ամիսները կլինեն ավելի լուսավոր, բարի ու խոստումնալից։ Մյուսները, ընդհակառակը, առաջ են շարժվում անհանգստությամբ, անհայտի վախով։ Առաջիկա շրջանի մասին տարրական գիտելիքները կօգնեն պատկերացում կազմել դրա մասին։ Lisa.ru-ն ներկայացնում է, թե ինչպես է Նապաստակի տարին ազդելու կենդանակերպի նշանների վրա:
Խոյ– Տարվա սկզբից մինչև մայիսի կեսերը հնարավոր է, որ մասնագիտական ոլորտում ավելի բարձր դիրք զբաղեցնեք։ Ձեր սոցիալական կարգավիճակը նույնպես կարող է փոխվել: Երկրորդ կիսամյակում եկամուտները կաճեն:
Ցուլ– Թույլ մի տվեք, որ ծնողների հետ ձեր հարաբերությունները սառեն: Ապրիլին անցեք բուժման կամ վերականգնողական կուրս։ Մի փոքր ավելի համբերություն ցուցաբերեք. ամռանը հանգամանքները Ձեզ համար շատ բարենպաստ կդասավորվեն։
Երկվորյակներ- Ձեզ համար տարվա առաջին և երկրորդ եռամսյակներում ցանկացած նորարարություն գրավիչ է, ցանկացած մարդ, որը ինչ-որ կերպ առանձնանում է «միջին» կատեգորիայից, գայթակղիչ է: Զգույշ եղեք:
Խեցգետին- Դուք նախանձելի վճռականություն կցուցաբերեք։ Բայց նախ պետք է մտածեք, թե ինչ է Ձեզ անհրաժեշտ այս փուլում, և ինչից կարող եք հրաժարվել: Ավաղ, ստիպված կլինեք դիմակայել ֆինանսական դժվարություններին:
Առյուծ- Տարվա առաջին կիսամյակում կենտրոնացեք կրթության վրա, համալրեք Ձեր գիտելիքների պաշարը: Սա ամենալավ բանն է, որ կարող եք անել այս պահին: Ուսումնասիրել, ճանապարհորդել… Սա կդառնա բոլոր ոլորտներում Ձեր ապագա աճի հիմքը:
Կույս- 2023 թվականի առաջին և երկրորդ եռամսյակներում բազմիցս կներգրավվեք իրադարձությունների մեջ, որոնք սկզբում վախեցնող են թվում իրենց բարդության պատճառով: Այս գործընթացը անխուսափելի է և նույնիսկ ձեռնտու: Զարմանալիորեն, Ձեր վախերը կանհետանան և Դուք հանգիստ կազատվեք նախապաշարմունքներից:
Կշեռք- Ձմռանը և գարնանը Դուք մեծ պահանջարկ կունենաք հասարակության մեջ: Ձեր շրջապատում կհայտնվեն հաջողակ մարդիկ, ովքեր հասարակության մեջ բարձունքների են հասել։ Սա այն շրջանն է, երբ կարող եք կնքել շահավետ աշխատանքային պայմանագրեր, ինչպես նաև ամուսնանալ։ Ամռանը և աշնանը կարող եք վարկ կամ հիփոթեք վերցնել։
Կարիճ- Տարվա առաջին կիսամյակում ճակատագրական իրադարձություններ տեղի կունենան։ Գուցե կարող եք համատեղել աշխատանքը մի քանի ոլորտներում: Երկրորդ կիսամյակում հարկ կլինի շտկել փողի կառավարման մեջ արդեն իսկ թույլ տրված սխալները։
Աղեղնավոր- Ստիպված կլինեք մեծ գումար ներդնել երեխաների զարգացման համար։ Բայց արդեն առաջին և երկրորդ եռամսյակներում կհամոզվեք, որ սա շահեկան ներդրում է. երեխաները կհասնեն հաջողության։ Արժե ավելի հաճախ լսել սիրելիի կարծիքը, քանի որ Ձեզ համար դժվար կլինի ինքնուրույն ճիշտ որոշում կայացնել։ Ամռանն ու աշնանն ամենահաջող շրջանը կլինի աշխատանքի համար:
Այծեղջյուր- Գալիք տարում՝ առաջին կիսամյակում, կարող եք հաջողությամբ լուծել բնակարանային կամ այլ անշարժ գույքի հետ կապված խնդիրը։ Ճիշտ է, կարող եք նաև պայքարել ժառանգության համար: Տարվա երկրորդ կեսը ճիշտ ժամանակն է երեխա ունենալու համար։
Ջրհոս- Սովորել, որոշակի գործնական հմտություններ ձեռք բերել՝ ահա թե ինչի վրա պետք է կենտրոնանալ ձմռանը և գարնանը: Ամռանը և աշնանը ձեր ընտանիքը կարող է ընդլայնվել:
Ձկներ- Ամենայն հավանականությամբ, Ձեր եկամուտը զգալիորեն կաճի։ Տարվա առաջին կիսամյակում կարող եք մեծ ներդումներ կատարել։ Տարվա երկրորդ կեսին Ձեր կյանքում կմեծանա մտերիմների դերը. ստիպված կլինեք ներգրավվել նրանց խնդիրների լուծմանը։
Պատրաստեց Անի Գաբուզյանը
Լուսանկարը՝ Unsplash (@jessicaburnett)
