Տպել
Միայն անհույս տգետն ու ստախոս-պոպուլիստը կարող է Կարս-Իգդիր-Նախիջևան-Մեղրի-Զանգելան-Բաքու-Դերբենդ լոգիստիկայում տեսնել նոր հնարավարություններ Հայաստանի տնտեսության համար:
Այդքան մտածում եք Հայաստանի տրանսպորտային անվտանգության մասի՞ն: Կառուցեիք Վանաձոր-Ֆիոլետովո երկաթուղին (32 կմ) ՝ միացնելով Իջևան-Հրազդան-Երևան գիծը Թբիլիսի-Այրում-Գյումրի-Մասիս գծին՝ էապես նվազեցնելով բեռնափոխադրումների իրականացման ժամկետներն ու սակագնային հեռավորությունը:
Այդքան մտածում եք Հայաստանի տրանսպորտային դիվերսիֆիկացման մասի՞ն: Լաստանավեր գնեիք, այլ ոչ թե երկու տարի ԱԺ-ում ժամանակ վատնեիք՝ քննարկելով անպետք ու անիմաստ «ծովային օրենսդրությունը»: Ու՞մ աչքին էիք թոզ փչում:
Սեփական երկաթուղային լաստանավերի առկայությունը թույլ կտար կանոնավոր ու բավականին էժան բեռնափոխադրումներ իրականացնել Հայաստանի համար առանցքային Փոթի-Կովկաս-Փոթի ուղղությամբ: Գինն էլ մի բան չէր: 1980-ականների արտադրության լաստանավերը Ռուսաստանը մեզ պատրաստ էր վաճառել 2-3 մլն դոլարով: Ասեցիք՝ հին է, ծախսերը շատ են: Ընդունեցինք, բայց այդ դեպքում ինչու՞ խուսափեցիք նորը գնելուց, որն արժե մաքսիմում 10 մլն դոլար: Երկու լաստանավը սկզբի համար մեզ լիովին կբավարարեր: Առնվազն խաղացող կդառնաինք վրացական նավահանգիստներում:
Պատասխանը պարզ է. ձեզ պետք չէ ամուր տնտեսական ողնաշարով Հայաստան: Ձեզ պետք չէ ապաշրջափակված Հայաստան: Ու հենց այստեղ ձեր ու թուրք-ադրբեջանական տանդեմի շահերը լիովին համընկնում են:
Վահե Դավթյանի թելեգրամյան ալիքից
