Պղինձը և ոսկին էժանանում են

Երեքշաբթի առավոտյան պղնձի արժեքն իջնում է՝ միաժամանակ ամիսը փակելով զգալի ավելացմամբ, վկայում են աճուրդների տվյալները։

Պղնձի մարտյան ֆյուչերսը Comex բորսայում էժանացել է 0,57 տոկոսով՝ մեկ ֆունտը (մոտ 0,45 կիլոգրամ) 4,161 դոլար։

Լոնդոնի մետաղների բորսայում (LME), երկուշաբթի օրվա աճուրդների տվյալներով, մեկ տոննա պղնձի արժեքը՝ երեք ամիս հետո մատակարարմամբ, իջել է 0,58 տոկոսով՝ 9 210 դոլար, ալյումինիումինը՝ 1,43 տոկոսով՝ 2 589,5 դոլար, ցինկինը բարձրացել է 0,95 տոկոսով՝ 3 446 դոլար։

Ոսկին ամսվա վերջին օրը փոքր-ինչ էժանացել է՝ մինչ շուկաները շարունակում են սպասել ԱՄՆ դաշնային պահուստային համակարգի (ԴՊՀ) որոշմանը վերաֆինանսավորման տոկոսադրույքի հետագա մեծության մասին, որը գործելու է փետրվարից, վկայում են բորսայական տվյալները։

Ոսկու փետրվարյան ֆյուչերսի գինը Նյու Յորքի Comex բորսայում իջել է 3,2 դոլարով կամ 0,17 տոկոսով՝ մեկ տրոյական ունցիան 1 919,7 դոլար։ Արծաթի մարտյան ֆյուչերսն էժանացել է 0,06 տոկոսով՝ մեկ ունցիան 23,718 դոլար։