Տպել
ԱՄՆ-ում կինը կազմակերպել է քահանա ամուսնու սպանությունը, պատճառաբանելով, որ «հոգնել է նրա էքստրեմալ սեռական կյանքից», գրում է Daily Star-ը։ Ամերիկուհու խոսքով՝ ամուսինն անընդհատ տուն է հրավիրել անծանոթ կանանց ու տղամարդկանց։
Ըստ տեղական լրատվամիջոցների՝ այս սեռական հարաբերություններից մեկի ժամանակ զույգը հանդիպել է Խալիլ անունով 27-ամյա մի տղամարդու։ Ամերիկացու և անծանոթի միջև գաղտնի համակրանք է առաջացել, ուստի նրանք շարունակել են կապ պահպանել քահանայի թաքուն։
Երբ հոգևորականը մեկնել է Մեքսիկա, կինը տուն է հրավիրել Խալիլին և ասել, որ ամուսինը դավաճանում է իրեն՝ հոգեբանական և ֆիզիկական բռնության ենթարկելով, և սիրեկանին խնդրել է կրակել ամուսնու վրա, ինչը նա արել է։
Այն օրը, երբ քահանան վերադարձել է տուն և պառկել քնելու, Խալիլը մի քանի անգամ կրակել է նրա վրա։ Դրանից հետո կինը զանգահարել է ոստիկանություն և հայտնել, որ ինչ-որ մեկը կրակել է իր ամուսնու վրա։ Սակայն ապացույցների ճնշման ներքո ամերիկացին ավելի ուշ խոստովանել է ամեն ինչ։ Նա պնդել է, որ ինքն է կազմակերպել ամուսնու սպանությունը, քանի որ վերջինս համոզել է իրեն սեռական հարաբերություն ունենալ այլ տղամարդկանց հետ։
