Տպել
Անգլիայում ամուսնական զույգին մահացած են գտել իրենց տանը՝ շրջապատված 150 կատուներով, գրում է Daily Mail-ը։
Կատուներին գտել են սարսափելի վիճակում։ Ըստ մասնագետների՝ կենդանիները ջրազրկված էին, թերսնված և վարակված։ Կենդանիներից շատերն արդեն սատկած էին։ Ոստիկանները մահացած են գտել նաեւ տան տերերին, որոնց անունները չեն հաղորդվում։ Կենդանիների իրավունքների պաշտպաններն ասում են, որ դա եղել է կենդանիների փրկության ամենամեծ գործողությունը պատմության մեջ:
«Բոլոր կատուները տառապում են վերին շնչուղիների, աչքերի և մաշկի ինֆեկցիաներից, թերսնուցումից, ջրազրկումից և, ցավոք, որոշներն ունեն ավելի լուրջ վնասվածքներ, որոնք պահանջում են անհապաղ բժշկական օգնություն», – ասվում է հայտարարության մեջ:
Այժմ ոստիկանությունը պետք է պարզի, թե ինչն է դարձել ամուսինների մահվան պատճառ։
