Մադամ Տյուսոյի թանգարանում ներկայացվել է Ռիհաննայի նոր մոմե արձանը

Մադամ Տյուսոյի թանգարանը հայտարարել է, որ ցուցադրել է երգչուհի Ռիհաննայի նոր մոմե արձանը։ Մոդելը ներկայացված է Նյու Յորքում՝ Glow Gala սրահում։ Այն գտնվում է Արիանա Գրանդեի եւ Ջասթին Բիբերի մոմե տարբերակների հարեւանությամբ։ Այս մասին հայտնում է NME-ն։

Արձանը կրկնել է 2018 թվականի Met Gala-ում երգչուհու կերպարը․ Maison Margiela-ի հանդերձանք, Հռոմի պապի խույր եւ խաչելության մանյակ։ Միջոցառման թեման այսպես էր հնչում՝ «Երկնային մարմիններ. նորաձեւություն եւ կաթոլիկ երեւակայություն»:

Մոմե արձանի շնորհանդեսը տեղի է ունեցել Ռիհաննայի առաջիկա համերգից մի քանի օր առաջ: Այն տեղի կունենա հունվարի 12-ին, Super Bowl-ում։

Նյու Յորքի Մադամ Տյուսոյի թանգարանի գլխավոր մենեջեր Յորգ Հանելն ասել է. «Ռիհաննան, անկասկած, սպասվելիք համերգով պատմություն է կերտելու, ուստի իր նոր արձանի ներկայացման ժամանակը կատարյալ է: Մենք նրան ներկայացրել ենք բացառապես Նյու Յորքի Մադամ Տյուսոյի թանգարանում, որտեղ երկրպագուները կարող են հիանալ եւ լուսանկարվել կուռքի հետ»։

https://twitter.com/Reuters/status/1623208757520920578?ref_src=twsrc%5Etfw%7Ctwcamp%5Etweetembed%7Ctwterm%5E1623208757520920578%7Ctwgr%5Ea91b5d966422739d413ad580938f8372634a44f6%7Ctwcon%5Es1_&ref_url=https%3A%2F%2Fwww.nme.com%2Fnews%2Fmusic%2Frihanna-gets-new-met-gala-inspired-waxwork-at-madame-tussauds-new-york-3394472