Տպել
Ճապոնիայի ափամերձ պահպանության Օմաեձակիի բաժանմունքի ներկայացուցիչները «ՌԻԱ Նովոստի»-ին ասել են, որ առայժմ չգիտեն, թե ինչ է երեքշաբթի առավոտյան Սիձուոկա շրջանի Էնսյուհամա լողափին գտնված մետաղական գունդը։
«Մենք դեռ չգիտենք, թե ինչ է սա»,- «ՌԻԱ Նովոստի»-ին ասել են բաժանմունքում։
Մինչ այդ Daiichi TV հեռուստաալիքը տեղեկացրել էր, որ մոտ 1,5 մետր տրամագծով գունդը, ենթադրվում է՝ մետաղից, առավոտյան հայտնաբերվել է Նամամացու քաղաքի Ցուբոի շրջանում, ափին մոտ։ Ոստիկանություն էր զանգահարել մի կին եւ տեղեկացրել գնդի մասին։
Ոստիկանները փակել են լողափը։ Գնդի լուսանկարներն ուղարկվել են Ճապոնիայի ինքնապաշտպանության ուժերի եւ ափամերձ պահպանության փորձագետներին։
