Տպել
Լեոնարդո Դի Կապրիոն եւ Քիմ Քարդաշյանը հարցաքննվել են ԱՄՆ Ներքին եկամուտների ծառայության եը Արդարադատության դեպարտամենտի դատախազների կողմից՝ մալազիական 1Malaysia Development Bhd (1MDB) ընկերության հետ կապված յուրացումների հետաքննության առնչությամբ:
Ըստ Bloomberg Businessweek-ի՝ Դի Կապրիոն 2018 թվականի ապրիլին գործակալներին ասել է, որ իր հարաբերությունները գործարար Յո Լոուի հետ սկսվել են գիշերային ակումբում։ Դերասանը Լոուին ներկայացրել է որպես «գործարար աշխարհի Մոցարտ»։
Ինչպես գրում է հրատարակությունը՝ Լոուի կապերը Դի Կապրիոյի եւ այլ հայտնի մարդկանց հետ նոր քննության տակ են հայտնվել, քանի որ դատախազները պատրաստվում են հիփ-հոփի լեգենդ Prakazrel “Pras” Michél-ի քրեական դատավարությանը: Նա մեղադրվում է 2012 թվականին Բարաք Օբամայի ԱՄՆ նախագահական արշավին արտասահմանյան գումարներ փոխանցելու եւ Լոուի ու Չինաստանի կառավարության համար լոբբինգ իրականացնելու մեջ:
Դի Կապրիոյի պոտենցիալ վկաների ցուցակում հայտնի դեմքերից են Օբաման, ԱՄՆ նախկին նախագահ Դոնալդ Թրամփը եւ հյուրանոցային մագնատ Սթիվ Ուինը, ինչպես նաեւ Քիմ Քարդաշյանը:
Ռեալիթի հեռուստաաստղը ՀԴԲ-ին պատմել է 2019 թվականի փետրվարին, թե ինչպես է Լոուի հետ ծանոթացել Լաս Վեգասում երեկույթի ժամանակ: Նա իր այն ժամանակվա փեսացուին՝ Քրիս Համֆրիսին, 100,000 դոլար է տվել իրենց հարսանիքի հրավառության համար:
Քարդաշյանը խոսել է նաեւ արտասովոր դրամական փոխանցման մասին։ Նրա խոսքով՝ ինքը եւ մյուսները, այդ թվում՝ «Ուոլ Սթրիթի գայլը» համապրոդյուսերներ Ռիզա Ազիզն ու Ջոյ Մաքֆարլենդը, Լոուի հետ եղել են Լաս Վեգասի խաղատանը: Առանձին սենյակում բակարա էին խաղում։ Առավոտյան ժամը 5-ին Քարդաշյանը պատրաստվում էր մեկնել, բայց ընկերը նրան ասել է, որ մնա:
Խաղի ընթացքում Քարդաշյանը հայտարարել է, թե ինչ խաղադրույքներ կատարել, եւ ի վերջո Լոուն մեծ գումար է շահել։ Քիմը փորձել է շահումները հանձնել Ջո Լոուին, բայց նա ասել է, որ պահի։ Այն ժամանակ դրանք արժեին 350,000 դոլար: Քիմը ՀԴԲ-ին պատմել է, որ երբ նա մետեցել է խաղատան վաճառասեղանին գումարը կանխիկացնելու համար, իրեն 250.000 դոլար են փոխանցել «100 դոլարանոց թղթադրամներով լի աղբի տոպրակի մեջ»: «Քարդաշյանը փողով լի աղբի տոպրակը դրել է իր ձեռքի ուղեբեռում եւ Southwest Airlines ավիաընկերության չվերթով մեկնել է Լոս Անջելես», – գրել են ՀԴԲ գործակալները։
